Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Гадаад мэдээ

ИБУИНВУ, Бүгд Найрамдах Солонгос улсууд цөмийн хамтын ажиллагаагаа өргөжүүллээ

ИБУИНВУ, Бүгд Найрамдах Солонгос улсууд цөмийн хамтын ажиллагаагаа өргөжүүллээ

БНСУ-ын худалдаа, аж үйлдвэр, эрчим хүчний сайд Пайк Ун-гю, Нэгдсэн Вант Улсын Бизнес, эрчим хүч, аж үйлдвэрийн стратегийн яамны төрийн нарийн бичгийн дарга Грег Кларк нар Лондон хотноо харилцан ойлголцлын санамж бичигт гарын үсэг зурлаа. Санамж бичигт гарын үсэг зурсны дараа талууд хоёр улсын хооронд цөмийн хамтын ажиллагааг хөгжүүлэх, цөмийн эрчим хүчний станц барих болон ашиглалтаас гаргах тал дээр хамтран ажиллах талаар харилцан ярилцсан ажээ.

Ун-гю өөрийн хийсэн мэдэгдэлдээ “Өмнөд Солонгос Улс цөмийн реакторын үйл ажиллагаа, цөмийн технологи хөгжүүлэлтийн тал дээр 40 гаруй жилийн туршлагатай улс юм. Ноён Кларк ярилцлагын үеэр Нэгдсэн Вант Улсын Засгийн газар өөрийн улсын цөмийн байгууламжийн шинэ төслүүдэд чиглэсэн гадаадын хөрөнгө оруулалтад дэжмлэг үзүүлэх байр суурь баримталж буйг илэрхийлсэн” хэмээсэн юм.

Дашрамд дурьдахад, Солонгосын төрийн өмчит цахилгаан эрчим хүчний корпораци (КЭПКО) нь Тошиба корпорациар удирдуулсан НуЖэнэрейшн-д хувьцаа худалдаж авч магадгүй талаар өмнө нь мэдээлж байсан. Тошиба корпорациар удирдуулсан хамтарсан компани НуЖэнэрейшн нь Нэгдсэн Вант Улсын Кумбриа мужид Вестингхаус AP 1000 загварын реакторт Мурсайд ЦЭХС-ыг барихаар төлөвлөж байсан боловч Солонгосын талын оролцоо нэмэгдсэнээр реакторын загварыг Кэпко APR-1000 болгон өөрчлөх талаар санал гаргаад байгаа ажээ.