Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Танин мэдэхүйн булан

Цацраг идэвхт ашигт малтмал олборлох аргууд – цуврал 02

Цацраг идэвхт ашигт малтмал олборлох аргууд – цуврал 02

Зураг 1. Австрали Улс дахь “Ранжер” ураны ил уурхай, боловсруулах үйлдвэр. 

Ил уурхайн олборлолт:

Газрын гадаргууд харьцангуй ойрхон, гадаргуугаас 100-150 метр орчим гүнд байршсан, хүдэржилтийн төрлөөс үл хамааран тунамал, галт уулын, судлын, элсэн чулууны төрлийн ордуудад болон хүрэн нүүрс, фосфорит, хар занар олборлоход дайвар бүтээгдэхүүн хэлбэрээр ордын бүх л загварчлалтай хүдрийн биетүүдийг жирийн ил уурхайтай ижил нөхцөлөөр олборлолтыг явуулдаг.

 

Зураг 2. Канад Улсад орших “МакАртур Ривер” ураны далд уурхай

Далд уурхайн олборлолт:

Ордын геологийн тогтоц нь орон зайн хувьд газрын гүнд 150 метрээс доош байрласан, ил аргаар олборлох боломжгүй, кварц-бөсөлжингийн, судлын, брекчийн бүрдэлийн, интрузив, галт уулын цоргын брекчийн, вулканоген, метасоматит, метаморф, фосфоритийн төрлийн ордуудыг далд аргаар олборлодог. Энэ олборлолтын үед уулын цулыг харьцангуй бага хөндөх бөгөөд ажилчдын эрүүл мэндийг хамгаалах үүднээс агааржуулж, агаарт байх цацрагийн хэмжээг хянаж ажиллах шаардлагатай байдаг. Гүний уурхай нь тухайн хүдрийн олборлож буй газрын гүнд байрладаг. Олборлосон хүдрийг цаашид бутлан, нунтаглаж аюулгүй битүү орчинд уусмал хэлбэртэй болгон бэлтгэнэ. Гүний уурхайн дутагдалтай тал нь ураны задралаас гарах цацраг идэвхт хий-радоноос хамгаалахын тулд агааржуулалтыг маш сайн хийх шаардлагатай.