Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Хэвлэлийн тойм

Цөмийн эрчим хүчний анхны музейг ОХУ-д нээнэ

Цөмийн эрчим хүчний анхны музейг ОХУ-д нээнэ

МОСКВА. /TASS/. Цөмийн эрчим хүчийг энхийн зорилгоор ашиглах өдрийг тохиолдуулан ОХУ-ын Калуга мужийн Обнинск хотод цөмийн эрчим хүчний музейг нээнэ гэж тус улсын Төрийн Думын депутат Геннадий Скляр мэдээлжээ.

“Үүнтэй адил төсөл дэлхийд байхгүй. Цөмийн эрчим хүчний анхны музей Обнинск хотын Эрдэмтдийн ордонд анхны атомын цахилгаан станцыг ашиглалтад оруулсны 65 жилийн ойн өдөр буюу зургадугаар сарын 26-нд нээгдэнэ” гэж тэрбээр мэдээлсэн байна.

Склярын хэлснээр, уг төсөл нь олон улсынх байх бөгөөд түүнийг боловсруулахад Дэлхийн атомын станцын операторуудын холбооны мэргэжилтнүүд оролцжээ.

Музейд байрлуулсан интерактив мониторуудаас дэлхий дээрх бүх атомын цахилгаан станцын талаарх мэдээллийг үзэж болох аж. Гол үзмэр нь анхны атомын цахилгаан станц байх болно. Уг станцыг 1954 оны зургадугаар сарын 26-нд ашиглалтад оруулсан бөгөөд 2002 онд ашиглалтаас гаргажээ. Музейн үзмэрүүдийг Москвагийн Политехникийн музейгээс авчрах бөгөөд дараа нь бусад улс орнуудаас цуглуулах аж.

Ийм музей байгуулах санамж бичгийг Обнинск хотын захиргаа, “ОХУ-ын цөмийн нийгэмлэг” болон атомын цахилгаан станц ашиглагч, Дэлхийн байгууллагуудын холбооны хооронд 2016 онд байгуулсан байна. Уг музейг эхлээд 12 дугаар сарын 22-нд буюу Эрчим хүчний өдрийг тохиолдуулан нээхээр төлөвлөж байжээ.

Эх сурвалж: https://montsame.mn/