Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Мэдээ

Засгийн газрын үйл ажиллагааг сурталчлан таниулах нээлттэй өдөрлөг

Засгийн газрын үйл ажиллагааг сурталчлан таниулах нээлттэй өдөрлөг

Монгол Улсын “Засгийн газрын үйл ажиллагааг олон нийтэд сурталчлан таниулах нээлттэй өдөрлөг” 2019 оны 09 дүгээр сарын 16-27 ны өдрүүдэд Д.Сүхбаатарын талбайд зохион байгуулагдаж байгаа билээ.
 
 
Тус өдөрлөгөөр Засгийн газрын 2016-2020 оны үйл ажиллагааны хөтөлбөрт тусгасан хөрөнгө оруулалт, бүтээн байгуулалтын томоохон төслүүдийг иргэдэд танилцуулж, мэдээ, мэдээллээр хангахыг зорьсон бөгөөд өдөрлөгт яам, агентлагууд, тэдгээрийн харъяа байгууллагууд оролцож байна. 
 

 
2019 оны 09 дүгээр сарын 16-ны өдрийн өдөрлөгийн үеэр Цөмийн энергийн комиссын ажлын алба цөмийн энергийн салбарын хүрээнд хэрэгжүүлж буй төсөл хөтөлбөр, бүтээн байгуулалт, салбарын үйл ажиллагааг иргэд, олон нийтэд танилцуулан, мэдээлэл түгээн идэвхтэй оролцлоо.
 
 
 
Иргэд цөмийн энергийн салбартай холбоотой цаг үеийн болон танин мэдэхүйн мэдээллээс цөмийн технологийн хэрэглээ, цөмийн эрчим хүч, цацраг идэвхт ашигт малтмалыг олборлохтой холбоотой сэдвээр илүү сонирхож мэдээлэл авлаа. 
 
Цөмийн энергийн комиссын ажлын алба
оОо