Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Мэдээ

Мэндчилгээ

Мэндчилгээ

Дэлхийн хэвлэлийн эрх чөлөөний өдрийг тохиолдуулан хэвлэл мэдээллийн байгууллагын ажилтан, ажиллагсад болон ган үзгийн эзэд болсон сэтгүүлч Та бүхэнд Засгийн газрын тохируулагч агентлаг Цөмийн энергийн газрын нэрийн өмнөөс болон хувиасаа мэндчилгээ дэвшүүлж, ажлын өндөр амжилт хүсье.
 
Бид Монгол Улсад цацраг идэвхт ашигт малтмал болон цөмийн энергийг энхийн зорилгоор ашиглах, цөмийн технологи нэвтрүүлэх, цөмийн болон цацрагийн хамгаалалт, аюулгүй байдлыг хангах нөхцөл, боломжийг бүрдүүлэх зорилгыг тавин ажиллаж байна.
 
Цөмийн энергийн газрын зорилго чиглэл, үйл ажиллагааг олон нийтэд сурталчилан таниулахад хэвлэл мэдээллийн байгууллагын болоод бидний хамтын ажиллагаа юу юунаас чухал билээ.
 
Өнгөрсөн сард хэвлэл мэдээллийн байгууллагын мэдээний албаны дарга нартай уулзалт зохион байгуулж, харилцан санал бодлоо солилцсоноор хамтын ажиллагаанд ахиц дэвшил гарч, хэвлэл мэдээллийн хэрэгслээр дамжуулан олон нийтэд мэдээ мэдээллийг шуурхай, бодитой хүргэх, ил тод байх нөхцөлийг бүрдүүлэх чиглэлээр нилээд ажлуудыг хамтран хийхээр төлөвлөөд байна.
 
Та бүхний үг нь цэцэн, үзэг нь хурц байх болтугай.
 
ЦӨМИЙН ЭНЕРГИЙН ДАРГЫН ҮҮРГИЙГ ТҮР ОРЛОН ГҮЙЦЭТГЭГЧ Г.МАНЛАЙЖАВ