Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Мэдээ

ЦЭГ болон МХЕГ-ын хамтарсан журам батлагдлаа

ЦЭГ болон МХЕГ-ын хамтарсан журам батлагдлаа

Монгол Улсын хилээр нэвтэрч буй бодис, бараа, бүтээгдэхүүний цөмийн болон цацрагийн аюулгүй байдлын хяналтын чиглэлээр Цөмийн энергийн газар, Мэргэжлийн хяналтын ерөнхий газрын хамтран ажиллах журмыг тус газрын дарга нарын тушаалаар баталж, энэ оноос хэрэгжиж эхэлсэн байна.
 
Хамтран ажиллах үйл ажиллагааны журмыг баталсантай холбогдуулан хил гүний гаалийн хяналтын бүсэд Япон улсаас импортолж буй автомашин болон автомашины сэлбэг хэрэгсэлд энэ сарын 04-нөөс эхлэн МХЕГ-ын Хилийн мэргэжлийн хяналтын газар хариуцан цацрагийн бохирдол илрүүлэх, анхан шатны хэмжилт хийхээр болжээ.
 
Дашрамд дуулгахад Цөмийн энергийн газраас гаалийн хяналтын бүсүүдэд автомашин болон автомашины сэлбэг хэрэгсэлд 2011 оны 8 дугаар сараас эхлэн цацрагийн хяналт шалгалт хийж эхэлсэн. Энэ хугацаанд нийт 33406 автомашинд хяналт шалгалт хийссэнээс 59 машинд цацрагийн бохирдол илэрсэн бөгөөд үүнээс 54 автомашины бохирдолыг цэвэрлэж эзэнд нь хүлээлгэн өгсөн байна.