Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Мэдээ

Монгол Улс, Олон Улсын атомын энергийн агентлаг хоорондын 2015-2020 оны техникийн хамтын ажиллагааны хөтөлбөрт төслийн санал авах тухай

Цөмийн энергийн газар нь Монгол Улс, Олон улсын атомын энергийн агентлаг (ОУАЭА) хоорондын 2015-2020 оны Техникийн хамтын ажиллагааны хөтөлбөрийн төслийг боловсруулах ажлыг зохион байгуулж байна.
 
Энэхүү олон улсын төсөлд хамрагдсанаар хүний нөөц бэлтгэх, техник, тоног төхөөрөмжийн дэмжлэг авах, ОУАЭА-ийн шинжээчийн зөвлөмж авах, өндөр хөгжилтэй орнуудад очиж туршлага судлах зэрэг нөхцлүүд бүрдэнэ.
 
2009-2014 оны Монгол Улс, ОУАЭА-ийн Техникийн хамтын ажиллагааны хөтөлбөрийг Эндээс татаж авна уу.