Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Нийтлэл

Н.Батцэрэг: Бүс нутгийн хөгжилд хөл нийлүүлэхийн тулд олон нийтэд хүрч ажиллах хэрэгтэй

Н.Батцэрэг: Бүс нутгийн хөгжилд хөл нийлүүлэхийн тулд олон нийтэд хүрч ажиллах хэрэгтэй

УИХ дахь "МАХН-МҮАН-ын Шударга Ёс Эвсэл"-ийн бүлгийн дарга Н.Батцэрэг Цөмийн Энергийн Газар/ЦЭГ/-ын үйл ажиллагаатай өчигдөр танилцав. УИХ-ын намрын чуулган завсарласантай холбогдуулан Н.Батцэрэг гишүүн УИХ дахь бүлгийн даргын хувьд төрийн байгууллагуудтай танилцаж буй юм байна. 
 
Цөмийн энергийн газрын дарга Н.Тэгшбаяр салбарын үйл ажиллагаа болон өнгөрсөн хугацаанд хийж гүйцэтгэсэн томоохон ажлуудаа танилцууллаа. ЦЭГ цөмийн технологи нэвтрүүлэх, цөмийн болон цацрагийн хяналт тавих чиглэлээр үйл ажиллагаагаа явуулж байгаа бөгөөд Монгол Улсын хувьд цөмийн технологийг эрүүл мэнд, ХАА, аж үйлдвэр, уул уурхай гэх мэт олон салбарт ашигладаг байна. Тухайлбал, хоёр хоногийн өмнө нэгдүгээр эмнэлгийн Цөмийн онош зүйн тасагт хавдрыг эсийн түвшинд оношлох спект гамма камерийг, холбогдох мэргэжилтнийг гурван жил сурган хүлээлгэн өгсөн байна. Энэ мэтчилэн цөмийн технологийн хэрэглээ Монгол Улсад сүүлийн 10 жилд тав дахин нэмэгдсэн үзүүлэлттэй байгаа юм. Иймд ЦЭГ нь бүх төрлийн цацрагийн хяналтыг тавьж, Монгол Улсын хилийн бүх боомт дээр цацрагийн үүсгүүр илрүүлэх хяналтын мониторийг суулгаж, хэвийн ажиллагааг ханган ажиллаж байгаа аж. 
 
Дээрх ажлын үр дүнд өнгөрсөн онд Монгол Улс ОУАЭА хоорондын хамтын ажиллагааны ажлын хүрээнд манай улсын нийгэм, эдийн засгийн холбогдох салбарт хэрэгжиж байгаа цөмийн технологи нэвтрүүлэх, цацрагийн хамгаалалт, аюулгүй байдлын чиглэлээр хэрэгжиж буй төслүүдийг ОУАЭА 92 хувийн биелэлттэй, сайн байгааг дүгнэсэн байна. Мөн тус газрын цацрагийн хяналтын шинжилгээ, тохируулгын лаборатори нь олон улсын стандартын дагуу итгэмжлэгдэж, импортын хүнсний бүтээгдэхүүн, автомашин, үнсэн блок болон бусад салбарын цацрагийн тунгийн хяналт хийж байгаа юм байна.
 
Н.Батцэрэг дарга салбарын бодлогын хэрэгжилттэй танилцаж, цаашид ЦЭГ өөрсдийн хийж буй энэ бүх ажлуудын  талаар олон нийтэд зөв ойлголт өгөхөд анхаарч ажиллахыг зөвлөв. Мөн нийгмийн хөгжлөө дагаад дэлхий дахин нэг замаар хөгжиж байгаа ийм үед бүс нутгийн хөгжилд хөл нийлүүлэн алхахын тулд энэ талаар олон нийтийн мэдлэгийг дээшлүүлэх нь чухал гэдгийг онцолж байлаа. 
 
ЦЭГ-ын дарга Н.Тэгшбаяр газрын үйл ажиллагаатай танилцаж, бодлогын зарим асуудалд зөвлөмж өгч ажилласанд талархлаа илэрхийлэв.
 
Г.ДАРЬ