Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Гадаад мэдээ

ЦЭГ-ын дарга Н.Тэгшбаяр ОУАЭА-ийн хуралд оролцож байна

ЦЭГ-ын дарга Н.Тэгшбаяр ОУАЭА-ийн хуралд оролцож байна

ЦЭГ-ын дарга Н.Тэгшбаяр, Гадаад харилцаа олон нийттэй харилцах хэлтсийн дарга Н.Тамир нар Олон улсын атомын энергийн агентлагийн Техникийн хамтын ажиллагаа (ТХА)-ны үндэсний зохицуулагч нарын бүсийн ээлжит хуралдаанд оролцож байна. 2014 оны 5 дугаар сарын 05-08 өдрүүдэд болж буй уг хуралд Ази, Номхон далайн бүсийн гишүүн орнуудын цөмийн энергийн асуудал эрхэлсэн төрийн захиргааны байгууллагын удирдлагууд оролцдог уламжлалтай юм.
 
Энэ удаагийн хурлаар гишүүн орнууд хэрэгжүүлж буй төслүүдээ хэрхэн сайжруулах, цацрагийн аюулгүй байдлын дэд бүтцийг бэхжүүлэх зорилгоор бүсийн хамтын ажиллагааг хэрхэн бэхжүүлэх, анагаах ухааны салбарт хүний нөөцийг хөгжүүлэх арга замыг эрэлхийлэх зэрэг асуудлуудыг хэлэлцэж байна. Мөн цацрагийн аюулгүй байдлын үндэсний дэд бүтцийг хөгжүүлэх, хамтын ажиллагааны хүрээнд дэмжлэг үзүүлэх, цөмийн хэрэглээг энхийн зорилгоор ашиглах, амжилттай туршлага, боломжийг ашиглан үйл ажиллагаагаа эрчимжүүлэхэд анхаарлаа хандуулан ажиллах юм. Өнөөдөр тэд үндэсний хөтөлбөрийн төсөөллийн тэмдэглэл болон хөтөлбөрийн зарчмыг хянан үзэхэд дэмжлэг үзүүлэх, бүсийн хамтын ажиллагааны хүрээнд 2016-2017 онд хэрэгжих хөтөлбөрийн бэлтгэл хангах зэрэг ажлуудыг хэлэлцэж буй юм байна.
 
Дашрамд дурдахад ОУАЭА-ын ТХА-ны хөтөлбөрийн хүрээнд манай улсад цөмийн технологийг анагаах ухаан, хүнс хөдөө аж ахуй, геологи уул уурхай гэх мэт олон салбарт ашигладаг болсон. Хамгийн сүүлд гэхэд уг хөтөлбөрийн шугамаар нэгдүгээр эмнэлгийн Цөмийн онош зүйн тасагт хавдрыг эсийн түвшинд оношлох спект гамма камерыг, холбогдох мэргэжилтнийг гурван жил сурган хүлээлгэн өгсөн.