Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Мэдээ

Ноён О.Акуна эрүүл мэндийн яамны төрийн нарийн бичгийн даргатай уулзлаа

Ноён О.Акуна эрүүл мэндийн яамны төрийн нарийн бичгийн даргатай уулзлаа

Цөмийн энергийн газрын дарга Н.Тэгшбаярын урилгаар энэ сарын 19-22-ны өдрүүдэд манай оронд айлчлал хийж буй Олон улсын атомын энергийн агентлаг (ОУАЭА)-ийн Техникийн хамтын ажиллагааны газрын Ази, Номхон далайн бүсийн нэгдүгээр хэлтсийн дарга О.Акуна өнөөдөр Эрүүл мэндийн яамны Төрийн нарийн бичгийн дарга А.Эрдэнэтуяатай уулзаж анагаах ухааны салбарт хэрэгжиж буй төсөл хөтөлбөрүүдийн талаар санал солилцлоо. Мөн Хавдар судлалын үндэсний төв, Улсын нэгдүгээр төв эмнэлгийн Цөмийн онош зүйн тасагт хэрэгжиж буй төслийн талаар мэдээлэл хийж, цаашид хэрхэн хамтарч ажиллах талаар зөвлөгөө өгч ажиллалаа.
 
Түүний үзэж байгаагаар анагаах ухааны салбар дахь цөмийн физикч, онкологч, техникийн ажилтнуудыг дотооддоо бэлтгэх талаар дэмжлэг үзүүлэх боломжтойгоос гадна боловсон хүчин бэлтгэх хичээлийн хөтөлбөрийг хамтран боловсруулж их дээд сургуулиудад нэвтрүүлж болох талаар санал болгосон юм байна.
 
Мөн цаашид ОУАЭА-ийн Техникийн хамтын ажиллагааны хөтөлбөрийн хүрээнд өндөр хөгжилтэй гадаад орнуудад дээрх мэргэжилтэнг бэлтгэхэд анхаарч ажиллахаа мэдэгдлээ.
 
Үүний зэрэгцээ АНУ-ын Эрчим хүчний яамны цөмийн хамгаалалтын хөтөлбөрийн хүрээнд ашиглаж буй хуучин Кобальт-60 төнөг төхөөрөмжийг шулуун хурдасгуураар сольж болох бөгөөд энэхүү хөтөлбөрт Монгол Улсыг хамруулах талаар хүчин чармайлт гаргаж ажиллахаа уулзалтын үеэр мэдэгдсэн юм.
 
Гадаад харилцаа олон нийттэй харилцах хэлтэс