Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Мэдээ

Манай улс Их энергийн физикийг хөгжүүлэх ОУ-ын хэлэлцээрт гарын үсэг зурлаа

Манай улс Их энергийн физикийг хөгжүүлэх  ОУ-ын хэлэлцээрт гарын үсэг зурлаа

Шинжлэх Ухааны Академийн Физик Технологийн Хүрээлэнгийнсанаачлагаар Европын цөмийн судалгааны байгууллага /ЦЕРН/ болон Монгол Улсын Засгийн газар  хоорондын Их энергийн физикийн чиглэлд шинжлэх ухаан, техникийн хамтын ажиллагааг хөгжүүлэх тухай хэлэлцээрийн төслийг өчигдөр хоёр тал батлав. Тус хэлэлцээрт Монголын талаас Боловсрол шинжлэх ухааны сайд Л.Гантөмөр, ЦЕРН-ийн талаас Гадаад харилцаа эрхэлсэн захирал ноён Р.Фосс нар Улаабаатар хотноо гарын үсэг зурлаа.

Их энергийн физикийн судалгаагаараа дэлхийн тэргүүн эгнээнд явж, хүн төрөлхтний шинжлэх ухааны танин мэдэхүй, технологийн ололт амжилтад тодорхой хувь нэмэр оруулж буй Европын цөмийн судалгааны байгууллага нь жаран жилийн түүхтэй аж. Нийт 70 орчим улстай хамтын ажиллагааны хэлэлцээртэй ажиллаж, физикийн судалгаа хийх сүүлийн үеийн мэдээлэл солилцох, технологи дамжуулах, олон түвшний сургалт зохион байгуулах зэргээр үйл ажиллагаагаа хэрэгжүүлдэг байна.

Энэхүү хэлэлцээрийг байгуулснаар их энергийн физикийн суурь судалгаа болон манай орны шинжлэх ухаан, технологийн дэвшлийн цаашдын хөгжилд чухал ач холбогдолтой бөгөөд монголын судлаачид, инженерүүд, техникийн ажилтнууд ЦЕРН-ийн  судалгааны урт хугацааны төслүүдэд оролцох боломж бүрдэх юм.