Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Гадаад мэдээ

Япон улс Сендай ЦЭХС-ыг дахин ажиллуулахаар боллоо

Япон улс Сендай ЦЭХС-ыг дахин ажиллуулахаар боллоо

Японы Кагошима мужийн захирагч “Сендай” цөмийн эрчим хүчний станцыг (ЦЭХС)-ыг дахин ажиллуулах зөвшөөрөл өглөө. 2011 онд болсон цунамийн гамшгаас үүдэносол гарсан “Фукушима” ЦЭХС-д дэлбэрэлт болсноос хойш анх удаа дахин ажиллуулах гэж буй цөмийн тогоонууд юм. Японы цөмийн хяналтын байгууллагаас аюулгүй байдлын шаардлагыг нэмэгдүүлж шинэчилж баталсан журмын дагуу үйл ажиллагааны хяналт, шалгалт хийсний эцэст ирэх жилээс ЦЭХС-ыг дахин ажиллуулж эхлэх гэнэ.

“Фукушима”-гийн ослын дараа улс орон даяар нийт ажиллаж буй бүх 48 ЦЭХС-ын үйл ажиллагааг зогсоосон байсан юм. Япон улс нь эрчим хүчний хэрэглээнийхээ нийт 30 хувийг ЦЭХС-аас хангадаг байсан аж. Тиймээс Японы Засгийн газар олон нийтийн хүчтэй эсэргүүцлийг үл харгалзан ЦЭХС-ыг дахин ажиллуулж, эрчим хүч үйлдвэрлэх төлөвлөгөөг баталлаа.