Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Гадаад мэдээ

Хятад улс Өмнөд Иранд хоёр цөмийн цахилгаан станц барина

Хятад улс Өмнөд Иранд хоёр цөмийн цахилгаан станц барина

Хятад улс Иранд хоёр Цөмийн эрчим хүчний станц барих талаар  Ираны атомын эрчим хүчний байгууллагын тэргүүн Али Акбар Салехи лхагва гаригт мэдэгджээ. Уг станц хөрш Оман улсын ойролцоо Макран эрэг дээр байрлах юм.  

"Ирэх хоёр, гурван жилийн дараа бид нэгэн зэрэг Иранд дөрвөн цөмийн эрчим хүчний станц барина. Үүнд 20000 гаруй инженер, цөмийн физикийн эрдэмтэн, судлаачид барихад оролцох талаарх мэдээллийг ISNA агентлаг Салехийг иш татжээ.

Салехийн хэлснээр Иран улсад хүнд усны нөөц нь "хангалттай" байгаа бөгөөд энэ нь 90 тонн гаруй, мөн одоогоор уран найман тонн орчим байна.
Ираны цөмийн эрчим хүчний үндэсний үйлдвэрлэл "Одоо зардал, үр ашгийн хувьд аль аль нь тохиромжтой шинэ үе шатанд орж байна" гэж Али Акбар Салехи мэдэгджээ.

Тегеран болон P5 + 1 /НҮБ-ын Аюулгүйн зөвлөлийн байнгын таван гишүүн бүлэг дээр нэмэх ХБНГУ/ хоорондын Ираны цөмийн хөтөлбөрийн маргаантай асуудал хэлэлцээ бараг хоёр жилийн дараа шийдэгдсэнээр гэрээ эцсийн тохиролцоонд хүрсэн байна.

Эх сурвалж: www.nuclearpowerdaily.com