Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Гадаад мэдээ

ОХУ дэлхийн хамгийн хүчирхэг цөмийн реактор барьж эхэллээ

ОХУ дэлхийн хамгийн хүчирхэг цөмийн реактор барьж эхэллээ

            ОХУ-ын Ульяновск мужийн Димитроград хотод цөмийн эрчим хүчний салбарын хөгжилд шаардлагатай төслүүдийг хэрэгжүүлэх боломжтой дэлхийн хамгийн өндөр хүчин чадалтай хурдан нейтроны МБИР олон зорилтот судалгааны реакторыг барьж эхлэх албан ёсны нээлт болсон байна.

           МБИР реакторыг ОХУ-ын эрдэм шинжилгээний төв "Цөмийн реакторын эрдэм шинжилгээний хүрээлэн”-ийн газар дээр барих юм. Реакторыг 2020 онд ашиглалтанд оруулахаар төлөвлөж байна.

           МБИР дэлхийд одоо ашиглагдаж, баригдаж, төлөвлөгдөж байгаа судалгааны реакторууд дотроос хамгийн их чадалтай байх бөгөөд түүний дулааны хүчин чадал 150 МВт байх юм.       

           МБИР-ийн өвөрмөц шинж чанар нь шинэ, өрсөлдөх чадвартай, аюулгүй цөмийн эрчим хүчний төхөөрөмж бий болгох өргөн хүрээний судалгааны ажлууд болон ялангуяа цөмийн түлшний эргэлтийг битүү болгох асуудлыг шийдэх боломжтой юм.

           Шинэ реакторын үндсэн дээр олон улсын төв байгуулахаар төлөвлөж, шинэ төрлийн цөмийн түлш, хийцийн материал, дулаан дамжуулах шингэний судалгааг хийж, реакторт янз бүрийн зориулалттай цацраг идэвхт изотопыг үйлдвэрлэж, үүнээс гадна реакторт анагаах ухааны чиглэлээр судалгаа хийх боломж бүрдэж байгаа юм байна.