2020-2021 хичээлийн жилд ОХУ-ын Засгийн Газрын ирүүлсэн тэтгэлэгт хуваарийн дагуу оросын их дээд сургуулиудад үнэ, төлбөргүй суралцахаар сонгон шалгаруулалтанд оролцох хүсэлтэй хүмүүсийг 2020 оны 03 дугаар сарын 14-ний өдөр хүртэл бүртгэж байна. Дэлгэрэнгүй мэдээллийг Улаанбаатар дахь Оросын шинжлэх ухаан, соёлын төвийн вэб хаягаас авна уу.  (2020-03-09 08:46:00)

Гадаад мэдээ

Волгодонскийн“Атоммаш” Беларусийн цөмийн эрчим хүчний хөтөлбөрт оролцож байна.

Волгодонскийн“Атоммаш” Беларусийн цөмийн эрчим хүчний  хөтөлбөрт оролцож байна.

Беларусийн ЦЭХС-ын ВВЭР-1200 реакторын их биеийн ачилт, фото: Атомэнергомаш

  Волгодонскийн“Атоммаш” (“Атомэнергомаш”-холдингийн үйлдвэрлэлийн газар) Беларусийн ЦЭХС-ын 1 дүгээр блокын ВВЭР-1200 реакторын их биеийг үйлдвэрлэн 10 дугаар сарын 14-ний өдөр захиалагч тал руу илгээхээр ачуулсан байна. Энэ нь төрийн өмчит корпораци "Росатом" -ын бүрэлдэхүүнд багтаж байгаа "Атоммаш"-ын бараг 30 жил завсарласны дараа хийсэн реакторын анхны хэсэг юм.

         “Атомэнергомаш” ХК-ийн Ерөнхий захиралАндрейНикипеловБеларусийн ЦЭХС реакторын их биеийн тээвэрлэлтийн ёслолд оролцож хэлсэн үгэндээ "Чанарын хяналтын бүх үе шатыг амжилттай давж, хугацаанд нь хэрэглэгчиддээ хүргэж байна" гэжээ.

        "Атоммаш" нь 2012 онд “Росатом" -ын бүрэлдэхүүнд орж, цөмийн эрчим хүчний станцын тоног төхөөрөмжийн үйлдвэрлэлийг сэргээж эхэлсэн бөгөөд хөтөлбөрийн нийт хөрөнгө оруулалт нь 2 тэрбум рубль болжээ.
Одоогийн байдлаар "Атоммаш" нь цөмийн эрчим хүчний станцын иж бүрдэл, үүний дотор реактор, уурын генераторын хэсэг гэх мэт тоног төхөөрөмжүүдийг үйлдвэрлэдэг ОХУ-ын цорын ганц “цөмийн арал” аж ахуйн нэгж юм. Тус үйлдвэр нь жилд 4 багц тоног төхөөрөмж үйлдвэрлэх хүчин чадалтай ажээ.