Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Гадаад мэдээ

Б.Джаксалиев: Казахстан Улсын цөмийн эрчим хүчний станцын нийлүүлэгчийг 2017-2018 оноос хойш сонгоно.

Казахстан өөрийн нутаг дэвсгэр дээр анхны цөмийн цахилгаан станц барих стратегийн түншээ 2017-2018 оноос хойш сонгох болно гэж Алма-Ата хотод 10 дугаар сарын 23-ны өдөр зохион байгуулагдсан ТУХН-ийн цахилгаан эрчим хүчний зөвлөлийн 48 дугаар хуралдааны үеэр Казахстаны Эрчим хүчний дэд сайд Бахытжан Джаксалиев мэдэгджээ.

ЦЭХС барих боломжтой байршлаар Курчатов хотын ойролцоо болон Балхаш нуурын эрэг гэсэн 2 газрыг сонгоод байгаа аж.

"Одоогоор стратегийн түншээ сонгох ажил үргэлжилж байгаа бөгөөд дараагийн 2-3 жилд бид тодорхой газар, хамтрагчаа зарлах болно гэдэгт итгэлтэй байна. Өнгөрсөн долоон жилийн хугацаанд Казахстанд мэдэгдэхүйц /3500 МВт/ нөөц хүчин чадал бий болгосон ба эрчим хүчний хэрэгцээг тооцоолсноор 2025 оны босгон дээр ЦЭХС шаардагдахаар байна" хэмээн Б.Джаксалиевын хэлснийг Казахстаны хэвлэл мэдээлэл иш татсан байна.

 

http://nuclear.ru/news/97415/