Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Гадаад мэдээ

Армени Улсын инженерүүд цацраг идэвхт хаягдал боловсруулах өвөрмөц нунтаг боловсруулж байна

Армени Улсын инженерүүд цацраг идэвхт хаягдал боловсруулах өвөрмөц арга боловсруулсан байна. Цацраг идэвхт хаягдлыг МДСС (молекул доторх соронзон саармагжуулалт)-ын шинэ аргаар Сюникс мужид оршдог “АТ-МЕТАЛС” ХК-д боловсруулсан нэгдмэл полиметал оксидын ферромагнит нунтаг ашиглан цацраг туяанд тэсвэртэй, байгалийн гаралтай шинэ бүтээгдэхүүн гарган авчээ.

Армени Улсын Ерөнхий сайдын зөвлөх "АТ-МЕТАЛС" ХК-ийн нэгдлийн дарга Гамлет Овсепян 12 дугаар сарын 17-ны өдөр сэтгүүлчидтэй уулзахдаа: “Гурван жилийн турш "АТ-МЕТАЛС" ХХК төмрийн хүдэр дээр цацраг идэвхт хаягдлын судалгаа хийн, туршилтынхаа үр дүнг ОУАЭА-т хүргүүлсэн. ОУАЭА-ийн санал болгосноор бид цацраг идэвхт хаягдлыг хоргүй болгох төслөө энэ оны 09 дүгээр сард АНУ-ын MRS байгууллагаас Франц Улсад зохион байгуулагдсан эрдэм шинжилгээний бага хуралд танилцуулсан. Бага хуралд оролцсон эрдэмтэд бидний хийсэн туршилтын үр дүнг гайхан, цацраг идэвхт хаягдлыг хоргүй болгох арга ОУАЭА-аас тогтоосон стандартаас илүү аюулгүй болгож байна гэж дүгнэсэн” хэмээжээ.

 “АТ-МЕТАЛС” ХХК-ийн Гүйцэтгэх захирал Айк Межлумян хэлэхдээ “Уг материал өөрөө цацраг идэвхгүй юм, бидний үр дүн одоо байгаа бусад технологийг бодвол 2-3 дахин хямд" - гэж онцлон тэмдэглэсэн. Мөн зохион бүтээсэн технологи хэрэгжиж эхлэх талаар “ОУАЭА-тай тохиролцсоноор баталгаажуулалтын үйл ажиллагааг бүрэн хэрэгжүүлэх хэрэгтэй. Энэ үйл явц хэдэн сар үргэлжилнэ, энэ хугацаанд технологи нэвтрүүлэх үйл явц эцэслэн боловсруулагдана"  гэжээ.

Эх сурвалж: http://www.atomic-energy.ru/