Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Гадаад мэдээ

Хайнань арал дээр анх удаа ЦЭХС ажиллаж эхэллээ

         БНХАУ-ын Хайнань муж дахь анхны ЦЭХ-ний “Чанцян” станцын анхны нэгжийн албан ёсны үйл ажиллагааг эхлүүлсэн гэдгийг 2015 оны 12 дугаар сарын 26-ны өдөр Хятадын үндэсний цөмийн эрчим хүчний компани мэдээлсэн байна. Төслийг хэрэгжүүлэгч компанийн захирал Лю Чжаохуагийн мэдээлснээр туршилтын 168 цагийн үйл ажиллагааны дараа анхны нэгж ашиглахад бэлэн болсон гэжээ. Үүнээс гадна ЦЭХС-ын хоёр дахь нэгжийг ашиглалтад оруулах бэлтгэл ажил үргэлжилж байгаа бөгөөд 2016 онд ажиллуулж эхлэхээр төлөвлөсөн байна. “Чанцян” ЦЭХС-ын барилгын ажил хоёр үе шатанд хуваагдаж, объектын эхний үе шат нь CNP-650 реактор бүхий хоёр эрчим хүчний нэгжтэй, нэгж тус бүр нь 650 МВт хүчин чадалтай аж. Эхний үе шатанд 20 тэрбум юаниас илүү хөрөнгө оруулалт хийх юм байна. Хоёр эрчим хүчний нэгж шугам сүлжээнд холбогдсоноор орон нутгийн эрчим хүчний гуравны нэг орчмыг хангана хэмээн Лю Чжаохуа мэдээлсэн байна.