Японы атомын энергийн агентлаг (ЯАЭА)-аас жил бүр зохион байгуулдаг “Сургагч багш бэлтгэх” хөтөлбөрийн хүрээнд “Реакторын инженер” дагалдах сургалтыг ЯАЭА болон Шинжлэх ухаан технологийн их сургуультай хамтран 2019 оны 01 дүгээр сарын 07-18-ны өдрүүдэд Улаанбаатар хотноо зохион байгуулна. (2018-12-26 06:40:00)

Гадаад мэдээ

Швейцарь улсад байрладаг Европын цөмийн судалгааны төв ЦЕРН-д эмнэлэгт зориулсан бөөмийн хурдасгуур бүтээсэн байна

Швейцарь улсад байрладаг Европын цөмийн судалгааны төв ЦЕРН-д эмнэлэгт зориулсан бөөмийн хурдасгуур бүтээсэн байна

ЦЕРН-ын инженерүүд том адроны коллайдерын технологийг анагаах ухааны практикт тохируулж ашиглахаар шийдсэн байна. Тэд эмнэлгийн зураглал болон рентгенографт ашиглахад тохиромжтой 2 метр урттай бяцхан шугаман хурдасгуур танилцуулсныгЦЕРН-ийн хэвлэл мэдээлэлд тавигджээ.

Эмнэлгүүдэд зориулсан төхөөрөмж нь 2020 онд ЦЕРН-ийн цогцолборт багтах сөрөг цэнэгтэй устөрөгчийн ион хурдасгах үлэмж том Линак-4 хурдагуурын загвар юм. Мини-линак нь өндөр давтамжийн квадруполь фокуслагдсан хурдасгуур юм. Төхөөрөмжийн үйл ажиллагааны давтамжийг хоёр дахин нэмэгдүүлснээр инженерүүд хурдасгуурын уртыг эрс багасгах боломж бүрдсэн юм. Үүнийг хэрэгжүүлэхэд цацрагийн динамикийн өөрчлөлт, долгионы давтамж болон бүтцийн механик хэсэгт онцлог, шинэ санаа боловсруулж чадсан байна.

Мини-линак төхөөрөмж нь 50 см-ийн урттай дөрвөн модулиас бүрдэж, 2 метр зайд бага хурдтай, бага эрчимтэй,750 МГц давтамжтай, 5 MeV эыергитэй туяа ялгаруулдаг. Ийм техникийн үзүүлэлтэй төхөөрөмж нь хорт хавдрыг протоноор шарах, түүнчлэн альфа бөөмийн туяа үүсгэж цацрагаар эмчлэх боломжийг олгодог.

Үүнээс гадна, төхөөрөмж нь төрөл бүрийн цацраг идэвхт изотопыг эмнэлгийн байгууллага дээр үйлдвэрлэх боломжийг бүрдүүлснээр тээвэрлэлт ложистик, аюулгүй байдлын асуудлыг шийдвэрлэхболно.