Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Гадаад мэдээ

Зүрх судасны өвчний эмчилгээг сайжруулахад ашиглагдах ухаалаг утасны програмыг боловсрууллаа

Зүрх судасны өвчний эмчилгээг сайжруулахад ашиглагдах ухаалаг утасны програмыг боловсрууллаа

Ухаалаг утасны шинэ програм нь цөмийн технологи ашиглан зүрх судасны өвчний эмчилгээг сайжруулах боломжийг олгож байна. 
Зургийг А.Гриин, ОУАЭА-ийн олон нийтийн мэдээлэл, харилцааны хэлтэс

ОУАЭА-ийн Ерөнхий бага хурлын 60 дугаар чуулганы 5 дахь өдөр “Зүрх судасны өвчний эмчилгээний менежментэд цөмийн технологийн үүрэг, оролцоо” сэдэвт хуралдаанаар цөмийн технологи ашиглан зүрх судасны өвчний эмчилгээг сайжруулахад ашиглагдах гар утасны шинэ программыг танилцууллаа. Тус програмыг “NUCARD” гэж нэрлэсэн бөгөөд андройд болон айфон төрлийн гар утсанд суурилуулан ашиглах боломжтой. 

Хуралдааны эхэнд ОУАЭА-ийн Цөмийн эмчилгээ, дүрс оношилгооны хэлтсийн дарга Диана Паез хэлэхдээ зүрх судасны өвчний эмчилгээнд зориулсан дэлхий дээрх гар утасны хамгийн анхны програм бөгөөд эмнэлгийн шарлагыг бууруулах, эмчилгээний үйл явц, төлөвлөлтийг буруу тодорхойлохоос урьдчилан сэргийлэхэд чухал ач холбогдолтой болохыг онцлон тэмдэглэв.   

Энэхүү програм нь зүрх судасны өвчний оношилгооны дараа өвчтөний биед эмчилгээ хийх талбайг сонгох, хагалгааны эрсдэлийн үнэлгээ хийх болон химийн эмчилгээний дараах хүндрэлд дүгнэлт гаргах зэрэг үйл ажиллагаанд ашиглагдана. Клиникийн эмч нар эмчилж байгаа өвчтөнийхөө өвчний шинж тэмдэг болон бусад нөхцөлийг тус програмд оруулж өгснөөр Америкийн зүрхний нийгэмлэг, Европын зүрх судасны нийгэмлэг зэрэг олон улсын эрүүл мэндийн байгууллагаар батлагдсан стандарт, зөвлөмжийн дагуу мэдээллийг боловсруулж, тохиромжтой эмчилгээний шат дарааллыг тогтооно.

Дэлхийн эрүүл мэндийн байгууллагын мэдээлснээр жил бүр 38 сая хүн халдварт бус өвчнөөр нас бардаг бөгөөд үүнээс 17.5 сая хүн зүрх судасны өвчнөөр нас бардаг байна.

Хуралдааны үеэр зүрх судасны өвчний дэлхий нийтэд учруулж буй заналхийлэл, түүнээс урьдчилан сэргийлэх үйл ажиллагаа, дүрс оношилгоо, эмчилгээний менежмент, гишүүн орнуудын эрүүл мэндийн салбарт ялангуяа зүрх судасны эмчилгээ, оношилгооны чиглэлд ОУАЭА-аас үзүүлэх дэмжлэг, цаашид хэрэгжүүлэх арга хэмжээний талаар хэлэлцэв.