Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Фото мэдээ

Салбарын ахмадуудаа хүндэтгэл үзүүлэв

Цөмийн энергийн комиссын Ажлын албанаас Цөмийн энергийн комисс болон Цөмийн энергийн газар/хуучнаар/-т ажиллаж байгаад өндөр насны тэтгэвэрт гарсан үе үеийн ахмадуудаа хүлээн авч хүндэтгэл үзүүлэх уулзалтыг 2016 оны 10 дугаар сарын 06-ны өдөр зохион байгууллаа.

Энэхүү уулзалтад Цөмийн энергийн комиссын Ажлын албаны дарга Г.Манлайжав салбарын өнөөгийн байдал, хэтийн төлөв, хэрэгжүүлж байгаа арга хэмжээний талаар товч мэдээлэл хийгээд юугаарч хэмжиж боломгүй үнэт баялаг болсон ахмадууддаа баярын мэндийг дэвшүүлж аз жаргал, сайн сайхныг хүсэн ерөөв.

Уулзалтаар ахмадууд цөмийн салбарыг цаашид хөгжүүлэхэд салбарын дэд бүтцийг хөгжүүлэхэд анхаарах, олон нийтэд цацрагийн талаарх танин мэдэхүйн чиглэлээр мэдээлэл хүргэх замаар хүн ба хүрээлэн буй орчин, бидний өдөр тутмын амьдрал дахь цацраг, түүний хэрэглээний талаар мэдлэгтэй болгох чухал гэдгийг цохон тэмдэглэв.