Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Мэдээ

“Байгалийн гаралтай цацраг идэвхт материалын эх үүсвэр, түүнд тавих хяналт мониторинг” сэдэвт семинар зохион байгуулагдлаа

“Байгалийн гаралтай цацраг идэвхт материалын эх үүсвэр, түүнд тавих хяналт мониторинг” сэдэвт семинар зохион байгуулагдлаа

Европын Комиссоос хэрэгжүүлж буй MN3.01/12 “Цөмийн болон цацрагийн аюулгүй ажиллагаа, цөмийн аюулгүй байдлын баталгааны эрх зүйн орчныг бэхжүүлэх”  төслийн 7 дугаар зорилтын хүрээнд “Байгалийн гаралтай цацраг идэвхт материалын эх үүсвэр, түүнд тавих хяналт мониторинг” сэдэвт семинарыг Улаанбаатар хотод 03 дугаар сарын 13-17-ны өдрүүдэд зохион байгуулав.

Тус семинарт төрийн 12 байгууллагын 17 албан хаагч, төслийг гүйцэтгэгч компанийн 4 шинжээчид оролцож байгалийн гаралтай цацраг идэвхт материалын эх үүсвэр, цацрагийн шарлага, түүнд тавигдах хяналт мониторингтой холбоотой эрх зүйн орчинд үнэлгээ хийх, төслийн хүрээнд боловсруулах шаардлагатай дүрэм, журам, зөвлөмжийн  талаар санал солилцов.