БНСУ-ын Засгийн Газрын Эдийн Засгийн Хөгжлийн Хамтын Ажиллагааны Сан (ЭЗХХАС)-гийн хөнгөлөлттэй зээлээр хэрэгжиж буй МОН-8 төслийн хүрээнд Солонгосын Олон Улсын Эрүүл Мэндийн Сан (СОУЭМС)-гийн буцалтгүй тусламжаар Үндэсний оношилгоо, эмчилгээний төвийн Изотоп үйлдвэрлэх тасгийн Циклотроны тасагт ажиллах дараах 5 мэргэжилтнийг сургалтад хамруулах нээлттэй сонгон шалгаруулалтыг зарлаж байна. (2018-07-19 08:03:00)

Мэдээ

“Эзэнгүй үүсгүүрийг илрүүлэх хөтөлбөр” сэдвээр семинар зохион байгуулагдана

ЦЭК-ын Ажлын алба, Европын Комисстой хамтран 8 зорилт бүхий MN3.01/12 “Цөмийн болон цацрагийн аюулгүй ажиллагаа, цөмийн аюулгүй байдлын баталгааны эрх зүйн орчинг бэхжүүлэх” сэдэвт төслийг энэ оноос эхлэн хэрэгжүүлээд байгаа билээ.

Төслийн 4 дүгээр зорилтын хүрээнд “Эзэнгүй үүсгүүрийг илрүүлэх хөтөлбөр” сэдэвт семинар 05 дугаар сарын 22-26-ны өдрүүдэд ЦЭК-ын Ажлын албаны байранд зохион байгуулагдах гэж байна.

Семинарын хүрээнд Герман Улсаас шинжээч, зөвлөхүүд хүрэлцэн ирж эзэнгүй үүсгүүрийг эрэх, хайх, илрүүлэх, ангилах, аюулгүй болгох зэрэг үйл ажиллагааны чиглэлээр олон улсын туршлагыг танилцуулах, Монгол Улсад ашиглагдаж буй цацрагийн үүсгүүрт тавигдах хяналтын хууль эрх зүйн орчны талаар хэлэлцэж, санал бодол, туршлага солилцох бөгөөд эзэнгүй үүсгүүрийг илрүүлэх хөтөлбөрийг урьдчилсан байдлаар боловсруулах юм. 

Семинарт Мэргэжлийн хяналтын ерөнхий газар, Гаалийн ерөнхий газар, Онцгой байдлын ерөнхий газар, Зэвсэгт хүчний жанжин штаб, Цаг уур орчны шинжилгээний газар, Улсын нэгдүгээр төв эмнэлэг зэрэг холбогдох нийт 15 төрийн байгууллагын төлөөлөл оролцоно.