Олон улсын атомын энергийн агентлаг (ОУАЭА)-аас “Цөмийн аюулгүй байдлын ирээдүй” сэдэвт эссэ бичлэгийн уралдааныг залуу эрдэмтэн, судлаачдын дунд зарлаж байна. ОУАЭА-аас “Цөмийн аюулгүй байдал: Тогтворжуулах ба бэхжүүлэх хүчин чармайлт” сэдэвт олон улсын бага хурлыг 2020 оны 02 дугаар сарын 10-14-ний өдрүүдэд Австри Улсын Вена хотноо зохион байгуулна. Хурлаар улс орнуудын цөмийн аюулгүй байдлыг бэхжүүлэх, цөмийн аюулгүй байдалд үнэлэлт, дүгнэлт өгөх, ОУАЭА-ийн цөмийн аюулгүй байдлын удирдамж, сайн туршлагуудыг дэмжих, цөмийн аюулгүй байдлын чиглэлээр хэрэгжүүлэх цаашдын арга хэмжээнүүдийг боловсронгуй болгох талаар хэлэлцэнэ. (2019-05-23 07:22:00)

Мэдээ

ОУАЭА-ийн Ерөнхий захирлаар Юкияа Амано дахин томилогдлоо

ОУАЭА-ийн Ерөнхий захирлаар Юкияа Амано дахин томилогдлоо

Олон улсын атомын энергийн агентлаг /ОУАЭА/-ийн Ерөнхий бага хурлын ээлжит 61 дүгээр чуулган 2017 оны 09 дүгээр сарын 18-22-ны өдрүүдэд Бүгд Найрамдах Австри Улсын нийслэл Вена хотноо зохион байгуулагдаж байна.

Ерөнхий бага хурлын ээлжит 61 дүгээр чуулганы Ерөнхийлөгчөөр Бүгд Найрамдах Филиппин Улсаас БНАУ-д суугаа Онц бөгөөд Бүрэн эрхт Элчин сайд хатагтай Мария Зенейда Ангара Коллинсон сонгогдон ажиллаж байгаа билээ.

Энэ удаагийн чуулганаар ОУАЭА-ийн дүрмийн дагуу Агентлагийн Ерөнхий захирлаар Юкияа Аманог улируулан томилох тухай Захирагчдын зөвлөлийн 2017 оны 03 дугаар сарын 08-ны өдрийн шийдвэрийг баталсан бөгөөд түүний бүрэн эрхийн хугацаа ирэх 12 дугаар сарын 01-ний өдрөөс эхлэн 4 жилийн хугацаатайгаар хэрэгжих юм.

Ноён Амано ОУАЭА-ийн 60 жилийн баяр тохиож буй энэ үед Ерөнхий захирлын үүргийг дахин хүлээн авч буй нь миний хувьд туйлын өндөр нэр төрийн хэрэг бөгөөд надад итгэл хүлээлгэж буй гишүүн орнуудад талархаж байгаагаа илэрхийлээд цаашид Захирагчдын зөвлөлийн удирдлага дор Агентлагийн нийт гишүүн орнуудын сайн сайхны төлөө, дэлхийн энх тайван, хөгжил дэвшлийн төлөө цөмийн эрчим хүчийг цогцлоох хүндтэй зорилгоо тууштай бөгөөд ил тод, чин шударга замаар хэрэгжүүлж ажиллахаа онцлон тэмдэглэв.

Ерөнхий захирлын хэлсэн үгийг бүрэн эхээр хүлээж авахыг хүсвэл энэхүү холбоосоор нэвтэрнэ үү.

Эх сурвалж: https://www.iaea.org/newscenter/news/iaea-director-general-yukiya-amano-appointed-to-new-term